ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជួបសំណេះសំណាល និងសួរសុខទុក្ខ ព្រមទាំងនាំយកអំណោយ សម្ភារ និងថវិកាជូនអាជ្ញាធរសង្កាត់ព្រែកលៀប សង្កាត់ព្រែកតាសេក និងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ដើម្បីចូលរួមក្នុងការប្រយុទ្ធប្រឆាំងនឹងមេរោគកូវីដ Covid-19 នាព្រឹកថ្ងៃសៅរ៍ ទី០៤ ខែកក្កដា ឆ្នាំ២០២០។
អំណោយ សម្ភារ ដែលយកទៅប្រគល់ជូនក្នុងឱកាសនោះរួមមាន៖ ក្នុងមួយសង្កាត់ទទួលបាន ទឹកត្រីចំនួន៣៣យូរ ទឹកស៊ីអ៉ីវចំនួន៣៣យូរ អង្ករ០១តោន និងប្រេងឆា
ចំនួន០៨កេសតូច ព្រមទាំងថវិកាចំនួន០៤លានរៀល ដើម្បីទុកចែកជូនប្រជាពលរដ្ឋដែលមានជីវភាពខ្វះខាត ជាពិសេសអ្នកដែលរងគ្រោះដោយសារវិបត្តិនៃជំងឺកូវីដ-១៩៕
